Drejtori i Përgjithshëm i Policisë së Shtetit, Gledis Nano ishte i pranishëm gjatë konferencës për operacionin “Golden bullet” të mbajtur në SPAK ku dha detaje të rëndësishme rreth këtij operacioni.
Sipas Nanos, deri më tani janë ekzekutuar 18 masa sigurie si dhe janë sekuestruar armë zjarri, 2 antiplumb si ato që përdor Policia e Shtetit, municion luftarak, rreth 17 mijë euro, aparate celulare, fatura bankare, automjete dhe sende të tjera të përfituara nga veprimtaria kriminale.
Konkretisht, masat e sigurisë janë lëshuar për: Nuredin Dumani, Henrik Hoxha, Ardian Uzuni, Altin Ndoci, Skerdi Tasi, Leonard Palushi, Fatos Gosa, Erion Alibej, Gentajan Sharra, Florenc Cekrezi, Elvis Koci, Ilirjan Feci, Petrit Qoli, Agron Qoli, Agron Qafa, Artan Plaka, Besjan Xhixha.
Më tej, Nano tha se ky operacion do të vijojë, ndërsa theksoi se ai është një tregues i mirë i bashkëpunimit të shkëlqyer mes Policisë së Shtetit, SPAK-ut dhe Prokurorive të Rretheve Gjyqësore.