Ndërkohë që ka vetëm pak minuta që ka nisur mbledhja e grupit parlamentar të Partisë Demokratike e thirrur nga kreu i grupit Enkelejd Alibeaj thirri një mbledhje me deputetët për të vendosur nëse do të propozojnë një emër për President në raundin e tretë, ka reaguar ish-kryeministri Sali Berisha.
Ky i fundit ka sulmuar Alibeajn duke pretenduar se ai nuk ka asnjë tagër dhe autoritet në PD për të thirrur mbledhjen e grupit dhe për të marrë vendime në emër të demokratëve.
“Përveç autoritetit që i jep Rama, Alibeaj nuk ka asnjë autoritet dhe tagër nga PD. Çdo veprim i tij është sintonizim i një farse të shpifur të zgjedhjes së Presidentit nga Edi Rama me kallp opozitën. Dua të dënoj me ashpërsinë më të madhe pikëpamjen e Edi Ramës, të konsiderimit të emigracionit dhe diasporës si një zonë e veçantë elektorale”, u shpreh Berisha.
Sipas tij “Çdo përpjekje që shprehur nëpërmjet veglës së tij Alibeaj për një zonë të veçantë për emigracionin është përpjekje anti-demokratike. Është fyerje e madhe që i bëhet emigrantëve dhe diasporës shqiptare në të katra anët. Do të hasë kjo rezistencë mbarë kombëtare”.