Kryeministri Edi Rama dhe ministrja e Arsimit, Evis Kushi kanë uruar peshëngritësen shqiptare, Evangjelia Veli, e cila u shpall kampione e Evropës, duke fituar medaljen e artë në stilin e shkëputjes dhe në dygarësh për peshën deri në 55 kg.
Kushi shkruan se Veli shkroi historinë këtë të diel, duke u bërë vajza e parë shqiptare që ngre lart flamurin kuqezi me tre medalje ari.
“Urimet më të mira për sportisten tonë Evangjeli Veli, e cila shkruan historinë me fitoren si kampione absolute e Evropës në sportin e peshëngritjes! Për herë të parë një vajzë shqiptare ngre lart flamurin kuqezi me tre medalje ari, si kampionia e parë femër në peshëngritje”, shkruan Kushi.