Ka përfunduar mbledhja e ish-grupit dhe kryesisë së Partisë Demokratike. Burime për tirananews.al bëjnë me dije se Basha ka kërkuar llogari serioze për ish-deputetët dhe anëtarët e kryesisë së partisë.
Të njëjtat burime konfirmojnë për tirananews se Basha u ka kërkuar që të jenë më aktiv dhe ka kërkuar më shumë angazhime me qytetarët në terren për protestat. Basha ka shprehur nevojën për intensifikimin e takimeve me qytetarët. “Protesta çdo të enjte para, angazhim serioz për protestën kombëtare të 13 prillit. Nuk keni qenë prezent sa duhet. Duhet të jeni më aktiv”, mësohet të ketë thënë Basha.
Më tej Basha ka kërkuar deputetëve që të mos qëndrojnë nëpër kafe me njëri-tjetrin, por të dalin në ballë të protestës.