Një 30 vjeçar në New York ka humbur jetën pasi pantallonat e tij u kapën në derën e një treni në Brooklyn dhe e tërhoqën zvarrë nëpër platformë dhe shina. Mediat e huaja, bëjnë me dije se viktima po dilte nga një tren në stacionin Avenue M të Brooklyn, kur pantallonat dhe ndoshta këmba e tij u kapën në derë.
Burri u tërhoq zvarrë nëpër platformë nga treni në lëvizje dhe më pas u hodh në shina, ku po mbërrinte një tren tjetër. Operatori i metrosë ishte në gjendje të ndalonte trenin para se të godiste burrin.
Ky i fundit i cili ishte rreth moshës 30-vjeç u dërgua me urgjencë në spital por për fat të keq nuk mundi të mbijetonte.