Romelu Lukaku dhe Interi janë pjesë e një histori që do të vijojë. Një vit pas rikthimit në Stamford Bridge, sulmuesi belg ka bërë prapaktheu, duke vendosur të veshë sërish fanellën zikaltër.
Pas shkurorëzimit në kampionat, Interi kërkon të përforcojë sulmin. Lukaku përkrah Lautaro Martinez dhe Dybala do të krijonin repartin ofensiv më të mirë në Itali. Pasi ka bekimin e Lukakut që të kthehet në San Siro, tashmë drejtuesit e klubit duhet të gjejnë marrëveshjen me Chelsea.
Në dy sezone me Interin, Romelu Lukaku ka shënuar 64 gola në 95 ndeshje. Nga këto, 47 gola ai i ka shënuar vetëm në kampionat. Sulmuesi ishte vendimtar në vitin 2021, në fitimin e titullit të Interit, duke thyer dominimin e Juventusit. Në rikthimin te Chelsea, Lukaku përjetoi një sezon për t’u harruar dhe prej muajsh ka shprehur dëshirën të riveshë fanellën zikaltër.