Aktivistja e opozitës në Bjellorusi, Ljudmila Ramanoviç është dënuar nga Gjykata me 18 muaj burg për një letër që ajo i dërgoi komitetit hetues në fillim të marsit, duke protestuar për përfshirjen e Bjellorusisë në pushtimin e paprovokuar të Ukrainës nga Rusia.
Trupi gjykues e shpalli fajtore për “fyerje” të liderit autoritar të vendit Alyaksandr Lukashenka, pasi e quante “uzurpator” në letrën e saj.
Lukashenko dhe qeveria e tij kanë qenë jashtëzakonisht të izoluar që kur ai pretendoi se kishte fituar një mandat të gjashtë presidencial në zgjedhjet e diskutueshme presidenciale në gusht të vitit 2020, duke shkaktuar protesta të paprecedentë që sollën edhe arrestime dhe përndjekje ndaj opozitës dhe aktivistëve në Bjellorusi.