SPAK ka urdhëruar ndalimin e publikimit të dëshmive nga Nuredin Dumani vetëm për gazetarin, Elton Qyno, pasi sipas Prokurorisë së Posaçme ai ka nxjerrë akte sekrete të proçedimit penal për çështjen.
Në lidhje me këtë gazetari Aleksandër Çipa, tha se burimi i prokurorisë për çdo gazetar është i pamjaftueshëm për të vërtetën që pretendon se do i përcjellë opinionit publik.
Ndër të tjera ai tha se SPAK duhet të kthejë përgjegjësitë tek ata që janë brenda institucionit dhe që kanë pasur lidhje me dosjen që posedon gazetari Elton Qyno.
Aleksandër Çipa: Në misionin e vet gazetari duhet të raportojë përhershmërisht, por në rastin e posedimit të një dokumenti që lidhet me një proçes hetimor dhe që i përket institucionit të prokurorisë për gazetarin është burim, ndërsa për organin e akuzës mund të jetë dhe shteruese.
Kërkesa institucionale e SPAK-ut për mospublikimin e disa të dhënave që lidhen me një dosje hetimore të tij, dhe është një kërkesë individiale për një gazetar, në këtë pikëpamje, këto janë të njohura, për gazetarët e kronikës. Nëse SPAK, do të bënte një kërkesë për bllokimin e informacionit për të gjithë gazetarët kjo do ishte e papranueshme e refuzueshme dhe jo ligjore. Bie ndesh me të drejtën për informim.
Burimi i prokurorisë për çdo gazetar është i pamjaftueshëm për të vërtetën që pretendon se do i përcjellë opinionit publik. Institucione si SPAK duhet të kthenin përgjegjësitë që janë brenda institucionit dhe që kanë pasur të bëjnë me dosjen që SPAK po e heton.
Ai tha se urdhër ndalimi i SPAK për Qynon është një çështje e gabuar, pasi reporterët janë në dispozicion të informacionit.
Aleksandër Çipa: Çdo opsion tjetër për të paralajmëruar, intimiduar, shantazhuar reporterin që posedon informacionin është e gabuar dhe bie ndesh me një shoqëri që respekton të drejtën e shprehjes. Mendoj se edhe SPAK me urdhër ndalimin për gazetarin është një çështje e gabuar. Reporterët janë në dispozicion të informacionit.