Një 35-vjeçar shqiptar është përfshirë në një sherr orët e para të mëngjesit të së martës me një shtetas italian.
Shqiptari, i cili është menaxher në një disko në Itali është konfliktuar me një klient.
Pas përplasjes, 35-vjeçari ka dalë nga diskoja dhe është kthyer pak minuta më vonë i pajisur me një armë, të cilën e ka drejtuar drejt personit me të cilin po konfrontohej.
Oficerët e sigurisë e kuptuan menjëherë se çfarë po ndodhte, duke e detyruar shqiptarin që ta hiqte armën nga dora. Më pas, ai u identifikua dhe u arrestua nga karabinierët.