I pranishëm në tryezën e diskutimit për financimin e partive politike që mbahet këtë të mërkurë nga ana e KQZ-së, Enkelejd Alibeaj tha se financimi i fushatave zgjedhore, janë jo transparente. Kreu i grupit parlamentar i PD-së, tha edhe se është në favor të një financimi të partive politike nga shtetit, pasi kjo mënyrë do të jetë më e matshme dhe më transparente.
“KQZ duhet të caktojë auditues. Shifrat e financimit të fushatave zgjedhore janë jo transparente. Shitblerja e votave vazhdon të mbetet një shqetësim madhor në Shqipëri. Situata është alarmante. Modeli që do të zgjedhim për financimin e partive politike.
Jam i mendimit se dhënia hapësirë e financimit privat, do t’i bëjë partitë akoma më të mbyllura, me burime që vijnë nga të ardhurat e krimit. Kështu që mbetem në favor të një financimi nga shteti, i cili është i matshëm, më transparent, dhe më i kontrollueshëm pasi bëhet me transaksione bankare”.