‘BE për Bashkitë‘ , financuar nga Bashkimi Evropian me qëllim mbështetjen e potencialit zhvillimor të bashkive ka përzgjedhur sërish Matin për implementimin e një tjetër projekti me rëndësi.
Lajmin e ka bërë të ditur Kreu i Bashkisë së Matit, Agron Malaj. Përmes një statusi në rrjetet sociale, Malaj ka dhënë edhe disa detaje në lidhje me projektin “Inovacioni dhe Kultura për të fuqizuar Matin”
Postimi i Malaj:
“INOVACIONI DHE KULTURA PËR TË FUQIZUAR MATIN”
Bashkia #Mat shpallet fitues i një tjetër projekti të Bashkimit Europian.
Rivilitalizimi i Pallatit të Kulturës përmes projektit “Inovacioni dhe Kultura për të fuqizuar Matin”, ka për qëllim ofrimin e shërbimeve publike të cilat nxisin inovacionin për zhvillim ekonomik dhe local dhe mbështesin aftësitë dhe aktivitetet e të rinjëve në Teknologji Informacioni.
Skema e Granteve “BE për Bashkitë”, mbështet potencialin zhvillimor të bashkive dhe përmirëson kushtet mjedisore dhe socio-ekonomike të komuniteteve lokale në Shqipëri.
Projekti do të ndikojë drejtpërsëdrejti në përmirësimin e cilësisë së jetës dhe perspektivës për qytetarët shqiptarë në komunitetet e tyre.