I pranishëm këtë të hënë në Komisionin për Sigurinë Kombëtare, ministri i Mbrojtjes Niko Peleshi tha se ndër të tjera se Shqipëria nuk ka mundësi që të blejë një avion 50 milionë euro, që shërben për shuarjen e zjarreve.
“Mendoj se një vend i vogël si Shqipëria s’ka leverdi që të investojë për një helikopter për shuarjen e zjarreve. Jemi një vend i vogël dhe s’ja vlen që të kemi një avion tonin.
Edhe nëse i kemi 50 mln euro s’mund t’i investojmë atje për ta përdorur një muaj, shtuar dhe kostot e mirëmbajtjes, që janë të mëdha.
S’ka kompani që bëjnë mirëmbajtjen e avionëve, është treg i vogël. Çfarë bëjmë ne? Ne mirëmbajmë flotën tonë ajrore, jashtë vendit. Ndaj kostot tona janë edhe më të mëdha”, tha Peleshi.