Kreu i Bashkisë së Kukësit, Safet Gjici do të padisë ata që sipas tij kanë shpifur, duke thënë se uji në Kukës ishte i helmuar. “Për panik në popull kanë shkelur ligjin, natyrisht që Bashkia dhe Drejtoria e Ujësjellësit do t’i padisë. Nuk mund të bësh politikë me këtë çështje”, tha Gjici për mediat.
Sa i përket rastit në lagjen Muja, ku uji vaditës u përzier me ujin e pijshëm, Gjici tha se “Është rast i izoluar që nuk ka lidhje me depon e ujit, por uji vaditës ishte përzier me ujin e pijshëm për shkak të një rasti të izoluar. Edhe analizat e atij uji kanë dalë në rregull”.
“Helmim është fjalë e madhe. Mjeku ka thënë që kjo lloj virozë, këto shenja mund të vijnë nga gjëra të ndryshme. Gjithmonë këta, krahu i PD kanë përdorur raste të tilla të pavërteta, shpifje, për të bërë politikë. Kishim disa qytetar te spitali Madje më tha dikush në spital “kam pirë ujë të blerë”. Tani do të themi që uji i blerë është i helmuar?”.