E ardhmja e Vedat Muriqit është kthyer në një rebus. Sulmuesi shqiptar i Kosovës, më 1 korrik u rikthye te Lacio, që kërkon plot 10 milionë euro për të lënë të lirë bomberin nga Prizrenin.
Momentalisht bëhet me dije se Majorka, skuadra ku Muriqi luajti si i huazuar, është gati të ofrojë 5.5 milionë euro, për shërbimet e sulmuesit, i cili zhvilloi një sezon mjaft të mirë me majorkezët.
28-vjeçari para disa ditësh u lakua si një objektiv edhe për klubin anglez, Hull City, që garon në Championship.