Vetëm disa pjesë të trupit tuaj do të përfitojnë nga larjet e përditshme, ndërsa të tjerat mund të pastrohen vetëm disa herë në javë.
Flokët-Megjithëse asgjë nuk mund të krahasohet me ndjenjën e flokëve të sapo larë, jo çdo lloj floku duhet të lahet me shampo çdo ditë. Vetëm njerëzit me flokë të hollë dhe delikate mund të përfitojnë nga larjet e përditshme, sepse ato kanë tendencë të duken të yndyrshme shumë më shpejt. Por nëse flokët tuaj janë kaçurrela, mund të shpëtoni lehtësisht duke i larë me shampo 2-3 herë në javë.
Sqetullat-Djersitja është absolutisht normale dhe disa persona vuajnë nga aroma e keqe e djersës. Larja e sqetullave çdo ditë dhe aplikimi i disa deodorantëve zakonisht duhet të jetë i mjaftueshëm për të mbajtur larg këtë problem.
Këmbët-Shumë njerëz mendojnë se këmbët e tyre do të pastrohen nga sapuni dhe uji në dush, por në fakt nuk mjafton për të parandaluar çarjet e bezdisshme dhe djersitjen. Për t’i mbajtur këmbët tuaja të shëndetshme, lajini dhe pastroni ato një herë në ditë duke përdorur ujë të ngrohtë dhe sapun për të parandaluar acarimin dhe kallo.
Trupi-Edhe pse një dush i nxehtë mund t’ju ndihmojë të relaksoheni pas një dite të gjatë, larja çdo ditë nuk është e nevojshme dhe madje mund të irritojë lëkurën tuaj. Uji i nxehtë dhe sapunët e ashpër heqin vajrat natyrale të lëkurës, duke bërë që ajo të thahet shumë më shpejt. Për shumicën e njerëzve, larja e trupit vetëm dy deri në tri herë në javë është i mjaftueshëm për të qëndruar i pastër.
Gjuha-Ndërsa larja e duhur e dhëmbëve dhe kujdesi për mishrat e dhëmbëve janë hapa thelbësorë për një buzëqeshje të përsosur, pastrimi i gjuhës është gjithashtu thelbësor për të mbajtur frymën tuaj të freskët për më gjatë. Gjuha juaj ka shumë kreshta të vogla që mund të fshehin bakteret, dhe gërvishtja e saj çdo ditë pas larjes mund të ndihmojë në eliminimin e erës së keqe të gojës.