Asgjë nuk e shuan suksesin e kampiones Luiza Gega në Lojërat e Mesdhetare, përpos gafave nga vetë kompeticioni sportiv. Gega komenton situatën e sikletshme, kur teksa merrte medaljen, në sfond u vendos himni i gabuar.
“Nuk e kuptoja çfarë po ndodhte, trajneri e kapi direkt dhe më tha që unë të zbres poshtë. Janë kompeticione shumë të mëdha dhe nuk pret të të ndodhin këto. Dhe te certifikata që mora ishte shkruar sikur isha nga Qipro, jo nga Shqipëria”.
A dyshon atletja se një gabim i tillë ka qenë i qëllimtë? “Nuk e prisja të ndodhte, por nuk besoj se ka qenë me qëllim. E kam menduar, por dua të mos e besoj”, thotë Gega.