Edicioni i dytë i Big Brother Vip do të nisë në janar, por kjo nuk do të thotë që Arbana Osmanin nuk do ta shohim në ekran.
Për herë të parë në karrierën e saj televizive ajo do të prezantojë një projekt që nuk do të mbajë logon e Top Channel.
Bëhet fjalë për televizionin publik shqiptar ku këtë vit Arbana Osmani do të prezantojë festivalin e fundvitit. Ende nuk dihet nëse do të ketë një bashkë prezantues apo do ta prezantojë vetëm. Në këtë projekt ajo do të mbajë rolin e moderatores dhe autores.
Për Arbanën nuk është hera e parë që prezanton një spektakël të këngës, mjafton të kujtojmë që për shumë vite ka prezantuar Top Fest.