Avokati i njohur, Spartak Ngjela nuk i ndal komplimentet ndaj vajzave të bukura. Së fundmi, ai ka postuar në llogarinë e tij të “Facebook” foton e një vajze arbëreshe, të cilën e quan një “tip të veçantë të bukurisë së vajzës shqiptare”.
“Arbëreshe shumë e bukur. Në të vërtetë është një tip i veçantë i bukurisë së vajzës shqiptare, e fotografuar nga arbreshi Gjergj Lucito. Këtë e gjeni si tip vajze të bukur, në Tiranë…e kudo nëpër Shqipëri”, shkruan avokat Ngjela.
Nuk është hera e parë që Ngjelën e shohim edhe në këtë formë, larg analizave politike dhe zhvillimeve të fundit nga aktualiteti. Më herët, ai nuk i ka kursyer komplimentet për disa vajza të njohura të ekranit, duke filluar nga moderatorja Bora Zemani, këngëtarja Rovena Ibrahimi e gazetarja Elinda Sulejmani.