Lionel Messi nuk e ka mbyllur ende kapitullin e tij me Barcelonën. Ishte i qartë presidenti Joan Laporta në deklaratën e një dite më parë dhe duket se janë të bindura edhe mediat në Spanjë.
Sipas këtyre të fundit, Xavi i ka kërkuar presidentit rikthimin e “pleshtit” në Katalunjë, aty ku shkroi kapitujt më të bukur të karrierës së tij futbollistike dhe palët kanë nisur tashmë negociatat.
Ylli argjentinas ka edhe një vit kontratë me PSG-në dhe këtë verë është e pamundur të mendohet një operacion i tillë, megjithatë Laporta po punon për të rikthyer Messin në verën e 2023-shit, atëherë kur do të jetë lojtar i lirë.
Plani i katalanëve është që të rikthejnë Messin si futbollist dhe më pas t’i ofrojnë një rol të rëndësishëm si drejtues, për ta mbajtur përjetë te Barcelona.