Mëngjesin e kësaj të hëne, avokati Spartak Ngjela është fotografuar në ambientet e Prokurorisë së Tiranës. Ende nuk ka një informacion zyrtar lidhur me arsyen pse avokati ndodhet në Prokurori.
Në media ka qarkulluar një informacion se Ngjela i është drejtuar institucioneve pasi rrezikohet me jetë. Për këtë, vetë Ngjela bëri një reagim në Facebook. Ai shkruajti më 14 korrik se nuk ka forcë që ta kërcënojë me jetë Spartak Ngjelën.
“Komedi. Ka disa portale që kanë shprehur si lajm që unë, Spartak Ngjela, i jam drejtuar shtetit për ndihmë se rrezikohem me jetë. Hahahahaha! Ta dinë mirë ata që e kanë shkruar këtë: Spartak Ngjelën nuk ka forcë ta kërcënojë dot me jetë, në këtë jetë. Askush. Po është mirë ta heqin këtë komedi portalet”,-shkruan Ngjela më 14 korrik.