Një minator mbeti i plagosur rëndë në një minierë private në zonën 1280, në Krastë të Martaneshit.
Mësohet se 56 vjeçari M. Beça pësoi lëndime serioze gjatë punës në galeri.
Kolegët mundësuan nxjerrjen e minatorit nga nëntoka ndërkohë mjekët e Bulqizës kërkuan ndihmën e Ministrisë së Shëndetësisë për transportimin e Beçës me helikopter drejt Tiranës për një kurim më të specializuar.
Njoftimi i Policisë
Rreth orës 14.00., në një subjekt minerar në zonën e Martaneshit, Bulqizë, dyshohet se gjatë punës është aksidentuar shtetasi M. B., rreth 56 vjeç, i cili është dërguar për ndihmë mjekësore më të specializuar drejt Tiranës.
Grupi hetimor po punon për zbardhjen dhe dokumentimin e rrethanave të ngjarjes.