Sot në orën 19:30 në Ministrinë e Brendshme, do të mbahet protesta e dytë për tragjedinë e Himarës, ku humbi jetën 7-vjeçarja Jonada si pasojë e përplasjes nga një skaf që drejtohej nga komisari i Policisë, Arjan Tase.
Protestuesit do të mblidhen për të kërkuar dorëheqjen e ministrit të Brendshëm, Bledi Çuçi, ministres së Turizmit, Mirela Kumbaro, por edhe drejtorit të Policisë së Shtetit, Gledis Nano.
Demonstruesit vendosën një afat prej 72 orësh, ku kanë kërkuar nga kryeministri Edi Rama shkarkimin e dy ministrave dhe drejtorit, por duket se ky afat ka skaduar. Protesta mbështetet edhe nga Partia Demokratike dhe Partia e Lirisë.