Kthyen pyllin në parcelë hashashi, në pranga babë e bir në Bulqizë

Në një zonë të pyllëzuar në kodrën e Lejçanit, Policia e Shtetit ka goditur një rast të kultivimit të lëndëve narkotike. Në njoftimin për shtyp, thuhet se janë gjetur disa bimë të dyshuara narkotike kanabis, të cilat u asgjësuan me anë të djegies. Nga veprimet rezulton se autorët e dyshuar të kësaj veprimtarie kriminale janë shtetasit M.S, 70-vjeç, dhe E.S, 39 vjeç, banues në Bulqizë (babë e bir), të cilët janë arrestuar në flagrancë.