Zbulohet dëshmia e gruas së autorit që plagosi punonjësin e IMT-së: U afrova, por…

Zbardhet dëshmia e gruas së autorit që plagosi punonjësin e IMT-së. Në dosjen e prokurorisë, Sose Muça ka folur rreth krimit në fjalë duke treguar se nuk ishte në banesë në ato momente. Ajo ka sqaruar para hetuesve se nuk ishte në dijeni që burri i saj dispononte armë.
“Rreth orës 17:00 kam qenë te halla e burrit që është pranë banesës tonë. Në banesë erdhi halla tjetër e burrit dhe tha se burri im Qani kishte qëlluar me armë një punonjës të policisë. Kam dalë me vajzën e vogël nga banesa dhe i jam drejtuar shtëpisë që ishte prishur. U afrova, por ishte e rrethuar me policë dhe pastaj patrulla e policisë më ka shoqëruar në komisariat. Nuk e dija që burri kishte arme. Nuk e kam parë kurrë me armë dhe nuk e di se ku e ka gjetur Qaniu”, është shprehur gruaja e Qani Muçës.
Autori i plagosjes së punonjësit të IMT-së ndodhet tashmë pas hekurave. Ndaj tij rëndojnë dy akuza, “vrasje ndaj funksionareve publike”, mbetur ne tentative dhe “armëmbajtje pa leje”.