Një përplasje për motive banale i ndodhur në lagjen “Tasim Shehu” në kryeqytetit mbrëmjen e sotme ka degjeneruar deri në përdorimin e armës. Nga të shtënat mbeti i plagosur një 23-vjeçar.
I riu u qëllua nga 49-vjeçari i identifikuar me emrin Albert Ostreni. Mësohet se Ostreni pas një konflikti të çastit ka nxjerrë armën dhe ka qëlluar mbi fiqinjin e tij Renaldo Mejdanin.
Ngjarja ka ndodhur për një konflikt të çastit, ndërkohë që autori është shpallur në kërkim nga policia. I plagosuri është dërguar në spitalin e Traumës për të marrë ndihmë mjekësore.