Sfida Como-Brescia e cila përfundoi me rezultatin 0-1 për miqtë, është shndërruar në një sfidë shumë të përfolur në Itali. Jo për atë që prodhoi loja, por për incidentin me dritat e stadiumit.
Në minutën e 25-të, dritat u fikën dhe në fushë ishte e pamundur të shikohej, një black-out që zgjati për 10 minuta. Ata që kërkuan të ndryshonin disi atmosferën ishin tifozët të cilët ndezën flakadanë dhe blicet e telefonave.
Tifozët nisën një kor ironizues kundër presidentit të Como, Dennis Wise. “President paguaj dritat”, ishte fraza që ushtonte në stadium. Kujtojmë se Como në këtë sezon të Serie B ka investuar në merkato teksa ka transferuar edhe Cesc Fabregas apo Patrick Cutrone, mirëpo duket se ka ende probleme në infrastrukturë.