Inter-Bayern Munich është një nga sfidat më të rëndësishme që ofron sot në mbrëmje Champions League. Opinioni sportiv dhe kompanitë e basteve shohin ekipin gjerman si favorit absolut, por nuk e sheh në këtë mënyrë drejtori sportiv i Bayern, Hasan Salihamidzic:
“Unë e njoh futbollin italian, e di si luajnë, për ne do të jetë shumë e vështirë. Grupi është shumë i vështirë.
Bayern dhe Barcelona favoritë për të kaluar grupin? Për mua nuk është kështu. Në fillim duhet luajtur, nuk mund të mendosh që Bayern dhe Barcelona janë në 1/8. Nuk mund ta bëjmë një gabim të tillë. Ne kemi një skuadër të mirë, por luajmë kundër një ekipi të fortë. Duhet të jemi të përqendruar dhe të fokusuar”, u shpreh ndër të tjera Salihamidzic.