Për kryetarin e Partisë së Lirisë, Ilir Meta vetëm dorëheqja e kryeministrit Edi Rama do të rikthente besimin në institucionet e vendit. “Vetëm dorëheqja mund të vendosë besimin e qytetarëve të institucioneve. Ai i ka marrë përsipër, teksa që në fillim ka thënë se patronazhistët po bëjnë një punë shumë të mirë”.
Nga ana tjetër, ai thotë se qeveria po i mban të fshehta pasojat e sulmit kibernetik të Iranit ndaj vendit tonë.
“Prokuroria të bëjë urgjent hetim të thellë dhe serioz për evidentimin e përgjegjësive të qeverisë dhe institucioneve të tjera në lidhje me menaxhimin e të dhënave dhe veprimet e mosveprimet që sollën në këtë situata. Siç është provuar, cenimi i sigurisë kombëtare ka ndodhur në vazhdimësi, dhe përgjatë gjithë kësaj kohe, Edi Rama ka mashtruar dhe vazhdon të gënjejë lidhur me pasojat e vërteta të këtij sulmi ndaj Shqipërisë”, tha Meta në një konferencë për mediat.