Paul Pogba nuk do ta harrojë kurrë mbrëmjen e 19 marsit 2022. Ndërsa kombëtarja franceze ishte grumbulluar në Clairefontaine, atë ditë, lojtari sapo kishte kaluar disa orë me një shok fëmijërie, Boubacar C në qytetin e La Renardière, në Roissy-en-Brie (Seine-et-Marne), ku ai u rrit.
Rreth mesnatës, ndërsa lojtari po kthehej në hotelin e tij në Paris, Paul Pogba u drejtua nga miq të tjerë nga La Renardière, Adama C. dhe Roushdane dhe Machikour K., dy vëllezër, në një apartament në një qytet tjetër afër. Lojtari detyrohet të fikë telefonin.
Më pas shfaqen dy burra me kapuç, të veshur me jelek antiplumb dhe të armatosur rëndë. Roushdane K. urdhëroi Pogba-n të paguante 13 milionë euro, për mbrojtjen që dy burrat dyshohet se i kishin dhënë atij për vite me radhë.
Kjo është historia që futbollisti u ka thënë hetuesve më 9 gusht. Dy muaj pas depozitimit të denoncimit të tij në Itali, më 16 korrik, pesë të dyshuar, përfshirë vëllain e tij Mathias Pogba, u paditën të shtunën më 17 shtator, pas disa ditësh paraburgim. Mathias Pogba, 32 vjeç, u akuzua për “zhvatje me një bandë të organizuar” dhe “pjesëmarrje në një grup kriminal me qëllim përgatitjen e një krimi”. “Ne e kundërshtojmë këtë vendim dhe do të bëhet gjithçka për të siguruar që zoti Pogba të lirohet shpejt”, tha avokati i tij, Yassine Bouzrou.
“Më drejtuan armën, ishte e frikshme. Të dy më drejtuan armët. Duke u kërcënuar kështu, u thashë se do të paguaja, por ata filluan të bërtasin: ‘Hesht, mbaj sytë ulur’. Një nga dy personat me kapuç i pëshpëriti në vesh Roushdane. Kur ata u larguan, Roushdane më tha se duhet të paguaja, përndryshe të gjithë ishim në rrezik”, mësohet të ketë thënë Pogba në fragmentet e zbardhura nga “Le Monde” në policinë franceze.