Pasi u shpall Kampione Europe në garën 3000 metra me pengesa, atletja Luiza Gega u prit me ceremonia dhe u nderua nga qeveria.
Në hyrje të Kryeministrisë, Gega u prit nga kreu i qeverisë Edi Rama, i cili u përkul duke i puthur duart.
E pyetur nga Panorama Plus nëse është ndjerë e përdorur nga politika, ajo theksoi se në të gjithë botën sportistët me medalje priten si hero
“Jo, nuk jam ndjerë e përdorur. Shiko, në të gjithë botën po ta shikoni sportistët kur arrijnë medalje të mëdha priten si heronj dhe unë thjesht kam qenë shumë e lumtur që kjo gjë po ndodh më në fund dhe te ne. Mendoj që gjithmonë do të ketë njerëz që ngatërrojnë bindjet e tyre politike me një vlerësim që duhet t’i bëhet një sportisti nga kushdo parti që është në pushtet”, u përgjigj Luiza Gega.