Shqipëria ka pësuar një tjetër humbje 2-1 në Izrael, duke i dhënë fund shpresave për vendin e parë në Ligën e Kombeve. Dy gabime në mbrojtje nga Hysaj dhe Mihaj, që i dhanë mundësinë vendasve të merrnin 3 pikët. Të thuash gabime është pak, ato ishin dy gafa idiote që as një futbollist i klasës së parë nuk i bën.
Renditja në Ligën e Kombeve këtë vit do të përcaktojë renditjen në vazo në shortin e “Euro 2024”, për skuadrat pjesëmarrëse. Vendi i parë në grup garantonte matematikisht praninë ne vazon e dytë në short dhe atë pozicion tashmë do ta gëzojë Izraeli.
Katër skuadrat e para në grupet e Ligës B do të renditen në vazon e dytë, ashtu si edhe e dyta më e mirë. Shanset për Shqipërinë që ta arrijë një gjë të tillë janë ekzistuese vetëm në teori.
Aktualisht skuadra e dytë më e mirë në të gjithë grupet është Serbia, me po aq pikë sa Ukraina, 10 të tilla, teksa e para ka golavarazhin 11-5 dhe e dyta 10-4.
Në teori, Shqipëria e cila ka golavarazhin 3-5, duhet të fitojë me një goleadë të thellë historike ndaj Islandës dhe të shpresojë që këto dy përfaqësuese të humbin me goleada.