Në kuadër të muajit rozë që është muaji i luftës kundër kancerit të gjirit, kryeministri Edi Rama ka shpërndarë mesazhin që përçon kampionia e Europës në atletikë, Luiza Gega së bashku me ministren e Shëndëtësisë, Ogerta Manastirliu, që gratë dhe vajzat të kryejën kontrollet.
“MIRËMËNGJES dhe me këtë thirrje për të gjitha gratë dhe vajzat, që në këtë #TetorRozë🌸 të marrin fare pak kohë për t’u kujdesur për veten, duke bërë mamografinë, si dhe një kujtesë për të gjitha familjet, që të kujdesen që nëna, gruaja, motra, vajza, të kryejë kontrollet mjekësore për të parandaluar surpriza të padëshiruara shëndetësore, ju uroj një javë sa më të mbarë”,-shkruan Rama.