Trajneri aktual i Kombëtares sonë, Edy Reja, i përfundon kontrata në muajin nëntor dhe nuk do ta rinovojë atë. Sipas asaj që raporton gazeta më e madhe në Itali, “La Gazzetta dello Sport”, Shqipëria po mendon për një tjetër trajner italian, Luigi Di Biagio. Ai shihet si pasuesi më i mundshëm i Reja-s dhe pëlqehet shumë nga kreu i FSHF-së, Armand Duka. Zyrat e FSHF-së kanë mohuar një akord të mundshëm me Di Biagion në një reagim të bërë së fundmi, por që nuk përjashtohet aspak mundësia që ai të jetë pasuesi i Reja-s dhe të shohim sërish një italian në krye të ekipit kuqezi.
