Bashkia e Kolonjës ka zgjidhur mënë fund shqetësimin për drutë e zjarrit, duke administruar vetë procesin e prerjes dhe tregtimit të lëndës drusore.
Kjo ka bërë që çmimi i druve për ngrohje që i ofrohet qytetarëve të Kolonjës të jetë sa gjysma e çmimit që tregtohet në Korçë dhe rrethinat e saj. Edhe vetë qytetarët konfirmojnë çmimin e druve të zjarrit që është shumë më i lirë nga ai që shitet në Korçë.
Bashkia Kolonjë është e vetmja e cila ka një sharrë shtetërore dhe ku nuk funksionojnë pikat private të shitjes. Dhe kjo ka bërë që të vlerësohet edhe mundësia që për familjet në nevojë çmimi i druve për ngrohje të jetë akoma më i lirë apo të jepen falas në raste të veçanta.