Cristiano Ronaldo është në qendër të kritikave te Manchester United, pasi ylli i sulmit la stolin e skuadrës dhe u largua më herët se të mbaronte ndeshja në fitoren e “Djajve të Kuq” kundër Tottenham katër ditë më parë. Si pasojë e këtij vendimi, klubi nga “Old Trafford” ka vendosur që të gjobisë me 1 milionë euro portugezin.
Në fakt shuma është e majme, me mediat në ishull që bëjnë me dije se kjo është paga e dy javëve për Ronaldon nga klubi. Me 500 mijë euro në javë, CR7 është ndër lojtarët më të paguar në skuadrën e United. Veç gjobës, Ronaldo u pezullua edhe me disa ditë nga ekipi A, duke u dërguar të stërvitet me ekipin e të rinjve. Reagimi dhe ndërgjegjësimi i Ronaldos u vu re në motivimin që sulmuesi i bëri shokëve të ekipit para barazimit të djeshëm 1-1 me Chelsea.