Mëngjesin e kësaj të marte, kryeministri Edi Rama e ka nisur me foto nga shtrati i rrugës së vjetër Fier-Vlorë, ku informon edhe se ka nisur puna për rindërtimin e një aksi alternativ.
Teksa ka uruar ndjekësit për një ditë të mbarë, Rama thekson edhe se investim do të lehtësojë qarkullimin në atë zonë, por do të mbështesë bujqësinë e agroturizmin.
”MIRËMËNGJES dhe me këto pamje nga shtrati i rrugës së vjetër Fier-Vlorë, ku ka nisur puna për rindërtimin e një aksi alternativ, që jo vetëm do të lehtësojë qarkullimin në atë zonë, por do të mbështesë bujqësinë e agroturizmin, ju uroj një ditë të bukur”,-shkruan Rama.