Mediat greke kanë zbuluar detaje të reja për vrasjen e një 53-vjeçari nga dy vëllezër shqiptarë në Halkidiki të Greqisë.
Sipas informacioneve dhe asaj që raportojnë dëshmitarët okularë, gjithçka ka ndodhur rreth orës 23:00 të së enjtes, kur dy vëllezërit, një 27-vjeçar dhe një 47-vjeçar, kanë shkuar në shtëpinë ku jetonte viktima me familjen e tij.
27-vjeçari, i cili ishte në një lidhje romantike me vajzën e viktimës, ka plagosur me thikë djalin 24-vjeçar të viktimës, ndërsa ka shtyrë edhe partneren e tij 18-vjeçare. Më pas, vëllai i shqiptarit ka goditur viktimën në shpinë me sëpatë.
Pjesa më e madhe e dëshmitarëve raportojnë se bëhet fjalë për dy familje të cilat shpesh janë përplasur me njëra-tjetrën.