Berisha: Pas aferës së Durrësit është Rama dhe Basha

Kryetari i Partisë Demokratike, Sali Berisha, gjatë deklaratës për shtyp ku foli për protestën, tha edhe se kryeministri Edi Rama dhe ish-kreu i demokratëve, Lulzim Basha janë aksionerë të fshehtë në kompaninë që do të ndërtojë portin e ri të Durrësit. “Pasi ka vjedhur 420 milionë euro me firmën e tij për ndërmarrjen e tij të djegësve, vërsulet i tërbuar për të vjedhur 1 milion metër katror tokë në një sipërmarrje, shumë shpejt do e njihni, me dokumente false. 60 për qind të aksionerëve janë Edi Rama dhe Lulzim Brava dhe mafiozët e tyre. Po organizojnë në Durrësin e Shqipërisë vjedhjen më të tmerrshme në histori”.