Pasi e quajti “spiun” për protestën e 12 nëntorit, kryetari i Partisë së Lirisë, Ilir Meta i është përgjigjur kryeministrit Edi Rama, duke thënë se projekti i portit turistik të Durrësit do të përfundojë si historia e inceneratorëve. në konferencën me gazetarët, Meta thotë se do të bëjë gjithçka për ta parandaluar këtë projekt, që e cilëson një krim monstruoz.
“Krenari si inceneratorët. Këto janë krenaritë e investimeve të tij mafioze. Dhe kjo histori do përfundojë me bedela. Dhe të gjithë historitë që merren me mashtrime.
Çdo punonjës në zyrat e shtetit dhe administratës të jetë i kujdesshëm, të ruajë integritetin e tij dhe të mos përfshihet në vjedhje e grabitje se Edi Rama e ka zgjidhur problemin e tij. Shumë shpejt do të jetë para drejtësisë. 12 nëntori është vetëm fillimi i stuhisë që do i japë përgjigjen përfundimtare.
Do bëjmë gjithcka për të parandaluar këtë krim monstruoz. Ndërtimi i një porti të ri jo vetëm që do të ishte i kushtueshëm por do të devijonte të gjithë trafikun sot”.