Teksa Messi është i trishtuar nga humbja turpëruese nga Arabia në Katar 2022, një moment edhe më të keq po e kalon rivali i përjetshëm Cristiano Ronaldo. Kjo pasi që nga dita e djeshme është i papunë.
Ronaldo ka si objektiv të përhershëm dhe minimal pjesëmarrjen në Champions League. Kjo nuk u mundësua në pjesën e parë të sezonit nga Manchester United, por nuk do të thotë që ai mos të marrë pjesë në fazën e dytë. Për këtë arsye, ka zëra për një mundësi te Chelsea, që kërkon golat që Aubameyang dhe kuqeziu Broja nuk po i sigurojnë, por edhe një rikthim i bujshëm te Real Madrid, por me i largët duke parë mënyrën sesi iku.
Një mundësi romantike do të ishte rikthimi të Sportin Lisbona, ku lindi si futbollist dhe ku do të ishte ende një idhull, por ekipi portugez u eliminua nga Champions. Një lidhje portugeze me Mourinho dhe drejtorin teknik Tiago Pinto e çojnë portugezin te Roma, por klubi me vështirësi do të përballonte pretendimet ekonomike të tij.
Nga MLS amerikane, që ka nevojë për ambasadorë të njohur, ose në Arabi Saudite, ku rroga nuk do të ishte problem, sidomos tani që sukseset e kombëtares vendase po gëzojnë të gjithë, duke filluar nga sundimtari saudit Bin Selman, që shpalli festë kombëtare për fitoren ndaj Messit. Do ishte “hakmarrja” e fundit e CR7 ndaj “Pleshtit” magjik.