Laboratori në Fier, SPAK: U sekuestruan 430 kg kokainë, me vlerë 40 milionë euro

Prokuroria e Posaçme Kundër Krimit dhe Korrupsionit, këtë të premte ka dhënë detaje në lidhje me operacionin antidrogë ku u zbulua laboratori i kokainës në Fier. SPAK-u bën të ditur se janë sekuestruar 430 kg lëndë narkotike kokainë me vlerë 40 milionë euro. Gjatë operacionit janë sekuestruar edhe 15,910 euro, 3 kallashnikovë, 3 pistoleta, 108 fishekë të kalibrave të ndryshëm, 18 telefona, 5 automjete, 2 lap topë, 2 armë gjahu dhe 20 paleta me 24 tonë pleh artificial.