Modelja 19-vjeçare me origjinë nga Shqipëria, Alexia Traiko, u shpall fituese e konkursit të modelingut në Greqi, “Greece’s Next Top Model”.
Krahas titullit, Traiko gjithashtu fitoi 50 mijë euro, kontratë vjetore me Dust and Cream, bursë dyvjeçare, 20 mijë euro bizhuteri nga kompania Georg Jensen dhe një makinë Citroen.
19-vjeçarja fitoi përshtypjet pozitive që në momentin e parë kur u fut në reality show, duke arritur të “rrëmbejë” edhe fitoren.
Pavarësisht pasionit për modelingun, siç është shprehur ajo, i pëlqen edhe kërcimi, me të cilin merret që në moshë shumë të vogël.