Mesazhi i ngushëllimit që Federata Argjetinase e Futbollit ka publikuar në faqen zyrtare për vdekjen e Pele, ka ngjallur menjëherë shumë polemika. Mes brazilianit dhe Maradonës ka pasur përherë fërkime ashtu si edhe përplasje mes dy vendeve të ndryshme për të caktuar më të madhin e historisë dhe AFA nuk bën përjashtim nga kjo betejë edhe në një ditë të zezë për familjen e madhe të futbollit.
“Jemi të hidhëruar për largimin nga jeta të legjendës së Brayilit, Pele, një nga lojtarët më të mirë të historisë së futbollit. Ju dërgojmë përqafimet më të sinqerta familjarëve dhe gjithë Brazilit”, shkruan AFA në Twitter.
Fjalët që provokuan brazilianët janë “Një nga më të mirët”. Për argjentinasit, Pele nuk ka qenë asnjëherë një lojtar më i mirë e i talentuar se Maradona, Di Stefani dhe tani edhe se Lionel Messi.