Kualifikim mes vuajtjesh për Barcelonën në Arabinë Saudite. Katalanasit e Ksavit, mposhtën me penallti Betisin (2-4), në në duelin gjysmëfinal të Superkupës së Spanjës, që rezultoi tepër emocionues.
90 minutat përfunduan me rezultatin 1-1, falë golave të Levandovskit dhe Fekir, ndërkohë që në kohën shtesë, skuadrat shënuan edhe nga një gol tjetër me Ansu Fati dhe Moron. Në fund ishte “ruleta ruse” ajo që vendosi skuadrën që do të përballet në finalen e Superkupës me Realin në datën 15 janar.
Katalanasit u treguan tepër të saktë nga penalltitë, duke i shënuar të katërta me Levandovskin, Kesi, Fati dhe Pedrin, ndërkohë që për Betisin gaboi Juanmi dhe Kavajo.
FT BETIS-BARCELONA 2-2 (2-4 penallti)
77′ Fekir, 101′ Moron / 40′ Levandovski, 93′ Ansu Fati