Ministri i Mbrojtjes, Niko Peleshi ka bërë një reagim lidhur me lëkundjet e tërmetit të regjistruar sot në mbrëmje në vendin tonë. Në një postim në rrjete sociale, ai shkruan se lëkundjet u regjistruan në 4.7 të shkallës Rihter. Ministri bën me dije se janë raportuar disa dëme të lehta në zonën e Xibër në Klos.
Postimi i Niko Peleshit:
Sipas të dhënave paraprake nga Qendra Kombëtare Operacionale e Emergjencave Civile dhe Igjeum, lëkundje tërmeti me magnitudë 4.7 Richter, me epiqendër 3 km në jug të Klosit janë ndier në të gjithë territorin e Shqipërisë. Sipas të dhënave të deritanishme raportohen disa dëme të lehta në Njësinë Administrative Xibër, Bashkia Klos. Të gjitha strukturat e Mbrojtjes Civile janë në gatishmëri dhe në kontakt të vazhdueshëm më të gjitha Bashkitë e vendit.