Benfica kompletoi një tjetër lëvizje rekord teksa mbylli me sukses marrëveshjen për Enzo Fernandez. Mesfushori u transferua te Chelsea për shifrën rekord të 120 milionë eurove me Blutë e Londrës që paguan klauzolën ndërsa rreth kësaj lëvizje foli edhe presidenti i klubit portugez, Rui Costa.
Ky i fundit nuk shpreh aspak keqardhje për largimin e argjentinasit, aq më tepër kur vetë Fernandez këmbënguli për të ikur nga Lisbona.
“Fernandez nuk na dha asnjë shans. Bëra më të mirën, por nuk “qaj” për një lojtar që nuk donte të qëndronte. Kur Chelsea bëri ofertë për të, ishte e pamundur t’ia ndryshoje mendjen Enzo Fernandezit”, u shpreh Rui Costa.