Rinovim i rëndësishëm tek Arsenali. Klubi londinez ka gjetur marrëveshjen me Gabriel Martinellin për zgjatjen e kontratës deri në vitin 2027.
21-vjeçari është një nga lojtarët më të rëndësishëm të skuadrës së Mikel Artetës. Martinelli numëron 7 gola dhe 2 asiste deri në këtë fazë të sezonit në Premier League.
Arsenali po zhvillon një sezon ëndrrash dhe kryeson me meritë kampionatin anglez. Distanca me Manchester City është pesë pikë, por kampionët kanë luajtur një ndeshje më shumë.