Një aksident i rëndë ndodhur ne Padova, të Italisë, në orët e para të mëngjësit të së premtes, i ka marrë jetën një 24-vjeçari.
Mediat italiane bëjnë me dije se si pasojë e përplasjes së një motori me një makinë humbi jetën viktima Chiriac Alexandru Marius, i cili ishte me origjinë rumune dhe jetonte në zonën e Selvazzano.
Gjithashtu dy persona të tjerë kanë mbetur të plagosur, njëri prej tyre rreth 22-vjeç, gjendja e të cilëve nuk dihet ende.
Policia është duke vijuar hetimet për zbardhjen e plotë të shkaqeve të aksidentit.