Champions League vijon sonte në mbrëmje me dy ndeshje të tjera interesante. Vëmendja do të jetë te dueli mes Dortmund dhe Chelsea. Verdhezinjtë nuk njohin asnjë humbje apo barazim në këtë vit, por vetëm fitore.
Nga ana tjetër, “Blutë e Londrës” kanë bërë ndërhyrje të shumta në merkato, por rezultatet nuk është se janë të duhurat deri më tani. Djemtë e Potter, do të kërkojnë të shfaqin sonte në Champions League një “fytyrë” tjetër nga ajo e Premier League.
Në Belgjikë, Benfica vjen nga një atmosferë e mirë në këtë takim. Skuadra nga Lisbona, kryeson në kampionatin portugez dhe mbi të gjitha, doli në vendin e parë në fazën e grupeve të Champions League. Club Brugge do të kërkojnë të befasojnë portugezët duke marrë një rezultat pozitiv.