Aktorja Olta Gixhari e ka akuzuar shpesh produksionin e “Big Brother VIP” edhe në mënyrë indirekte.
Sipas saj, produksioni bashkëpunon me Luizin.
Rasti më i fundit është ai i ditës së sotme, kur ndërkohë që po pastronte dhomën e ndenjies, Olta tha se Luizi “fluturon” në atë shtëpi, pasi “ia kanë shtruar rrugën”.
“Të ka hipur vetja në qejf shumë, o Luiz. Duhet të të ulet një çikë. Duhet të të ulen pendët. Se po fluturon shumë. Po nuk ke faj ti që po fluturon, po ta kanë shtruar rrugën që të fluturosh. Të kanë përkëdhelur shumë këtu”, i tha aktorja Olta Gixhari.
Më herët ishte edhe rasti i “burgut”, kur dyshja pati një debat të ashpër, pas një loje që Luizi i bëri Kristit, Armaldos dhe Oltës, duke thënë se kishte negociuar me “Vëllain e Madh” për të dalë nga burgu.
Këto ankesa për produksionin dhe sjelljen e Luizit, aktorja i ka thënë edhe në “Prime”, duke theksuar se janë provokime të hapura nga këngëtari.
Pas kësaj situate, Arbana iu drejtua banorëve duke u thënë se produksioni nuk negocion dhe nuk mban anën e askujt. Madje ajo tha që nëse dikush ka dyshime të largohet nga loja.
Në një tjetër moment, Arbana duket se iu përgjigj edhe kritikave dhe aludimeve në rrjet për marrëdhënien e saj me Oltën, jashtë shtëpisë.
Edhe mua më thonë: “je shoqja e Oltës”, por nuk po them gjë”, u shpreh Arbana, duke bërë kështu reagimin e parë ndaj dyshimeve të krijuara në rrjet.